Virusları məhv edən maskalar hazırlandı

 Rusiya Elmlər Akademiyasının Sibir Bölməsinin Bərk Dövlət Kimya və Mexanokimya İnstitutunun  alimləri tibbi maskalar üçün virusları öldürə bilən xüsusi material hazırlayıblar. O, meltblaun və nanogümüşdən təşkil olunub.

Bu cür xüsusi maskalar A tipli qrip virusunu, stafilokkoku və “Escherichia coli” bağırsaq çöpünü öldürür. Hətta uzun müddətili kontaktda bu materialın effektivliyi daha da artır.  “2019-nCoV” tipli koronavirusla bağlı sınaqlar isə hələ aparılmayıb, ancaq alimlər hesab edirlər ki, bu maskalar ona qarşı da effektiv olacaq.

Maskaları 10 saat işlətmək olar, onlar öz-özünə təmizlənə də bilir. Bununla belə, onları saat yarım - iki saatdan bir dəyişmək tövsiyə olunur.

Rusiyalı elm adamları çinli həmkarları istəyəcəkləri təqdirdə bu materialları onlara təqdim etməyə hazır olduqlarını bəyan ediblər.